ناس كتيرة جدا كلمتنى على البوست بتاع وجدى مشروع او وجدى الحياه لونها بمبى و قالولى انهم فضلو يضحكو لما قرو البوست ده و الصديقه العزيزة البتanonymous قالتلى انه فى كل شله فى واحد زى وجدى مشروع صديقى العزيز و انهم دايما بيشدوا الناس معاهم فى مشاريعهم اللى دايما بتكون فاشله ... المهم انا حلفتلها و حلفت لصديقى ( العزيز برضه ) نادر و ل Sandy ان ده اقل حاجه ممكن تضحكهم و ان وجدى ده ليه مشاريع " تشيب " على راى توفيق الدقن الله يرحمه ( و يا اه يا اه .. احلى من الشرف مفيش – هئ )
و كنت برضه قلتلكو ان مشروع الارانب ده كان اول و اخر مشروع ليا مع وجدى و ان ايمن ( و شهرته اللمبى ) ماتعلمش و دخل مشروع تانى مع وجدى و انا النهارده هاحكيلكم على المشروع المعجزة ده
وجدى فى يوم من ايام شهر يوليو او اغسطس كده قال ايمن انه تحت بيتهم ترزى كان الترزى بتاع القصر ايام الملك فاروق ( شوف الزمن ) .. و وجدى قال ايمن ان الترزى ده يقدر يعملهم قمصان مدارس بمناسبه دخول المدارس و هتتباع زى البطاطا السخنه ساعه الصبحيه فى ايام الشتا ( زى ما قلنا ان الارانب هتحمل من ابو لمس كده ) ... المهم ايمن ما خدش عظه من اللى حصل قبل كده و دخل معاه و انا اعتذرت عشان كنت مفلس
ايمن ادى لوجدى الفلوس عشان الراجل تحت وجدى و يبتدى المشروع عشان يلحقو يخلصو قبل المدارس ما تدخل عشان يلحقوا يبيعوها و فعلا وجدى ماكدبش خبر و الراجل ابتدى يعمل القمصان و خلصها و ايمن كان عمل اعلان فى الشركه اللى هو شغال فيها و الناس حجزت معاه و استلم القمصان من وجدى و سلمها للناس ( الموضوع زى الفل اهو انما زى اى حاجه لازم يطلع فيها خازوق و الخازوق جاى حالا ) .. واحده عند ايمن كانت حاجزة 3 قمصان و جميع المقاسات S , M , L جاتله تانى يوم بعد ما خدت القمصان و قالتله انهم كلهم مقاس واحد و ان التيكت بس اللى متغير .... ساعتها ايمن راح عند وجدى عشان يبص على " البضاعه " لقى ان كل القمصان مقاس واحد .. الزراير مرة على اليمين و مره على الشمال و شويه ديفوهات جامده .. المهم ايمن قال لوجدى ان ده ماينفعش و وجدى قاله ان الدفعه الجايه من القمصان هتكون احسن .. ايمن قاله يلغى " الاوردر " و انه كده كفايه خساره عليهم و ان وجدى يشوف صرفو كام و يقسم اللى فاضل بالنص
بعديها بكام يوم لقيت ايمن بيكلمنى و يقولى اروحله عند وجدى سالته ليه قالى لما تيجى هتعرف و كان صوته مضايق .. روحت و لقيت ايمن زى مايكون هيموت و ابتديت افهم اللى حصل
وجدى لقى فاضل معاه فلوس و صعب عليه انهم ما يضيعوش الفلوس دى ( قصدى مايدخلوش بيها مشروع يعوضهم عن خسارة مشروع القمصان ) قام اشترى بيهم الحاجات اللى هتعوضهم عن الخساره .. جاب ايه بأه يا ايمن قالى بص بنفسك على الصناديق جوة ( جوة دى عند وجدى جوة فى الاوضه ) فدخلت " جوة " عشان ابص على الصناديق لقيت صندوقين فيهم جلاليب فيزون ( من الجلاليب اللى كانو بيطلعو الفلاحسن لابسينها فى السبعينات اللى كانت بتمط و تنفع اى مقاس ) .. و لقيت شويه قباقيب بلاستيك ( بس سيبكو انتو كانت قباقيب مميزة عشان كان عليها جرس من قدام ) و شويه حاجات مالهاش لازمه من نوع الجلاليب و القباقيب دى .. انا شفت كده و قعدت اضحك و ايمن يبصلى هيموت و وجدى بيقول ايمن " يا بنى الحاجات دى هتتباع هوا " ( كان تقريبا فاكر انه هيعمل فرشه فى العتبه ) ... بعد كام يوم لما وجدى لقى ان الحاجات مش " بتتباع هوا " بدا محاوله التسويق علينا فى الجامعه ( بس اكمننا مش بنلبس من العتبه و بنلبس من سوق غزة ) الحاجات دى مامشيتش معانا فقام وجدى اتنقل للمرحله التانيه و هى مرحله تجنيد المندوبين اللى هيبيعو البضاعه ليه .. قال لواحد صاحبنا فى ساكن فى المرج انه يبيع الجلاليب عنده ( تقريبا عشان عصام صاحينا ساكن فى حته هاى كلاس و الحاجات دى هيعتبروها زى جلابيه بارتى كده ) المهم عصام لما شاف الحاجه قال وجدى " انت فاكرنا عايشين فى حته بيئه اوى كده – قال يعنى ساكن فى مصر الجديده و احنا مش عارفين ) و طبعا ماخدش الحاجه .. وجدى انتقل لاخلا مرحله و هى مرحله التسويق المباشر .. اجر دكان عندهم فى المنطقه و حط البضاعه فيه و جاب انمار اخو ايمن يقف فيه ( و انمار ده اكتر واحد تنك فينا ) .. المهم ان انمار راح يومين و بعدين واحد من اللى فاتحين فى المنطقه اتريق عليه و على البضاعه الجامده بتاعته فقام انمار قفل " المول " و مارجعش تانى ... و دى كانت نهايه مشروع وجدى مع اللمبى عشان ينافسو BTM ...
و اللى انا عرفته بعد كده ان اللى اتباع من الحاجات دى كلها كان قيقاب واحد تمنه 3 جنيه و اللى خدته كانت اخت وجدى و دفعت جنيه مقدم و ضربت على الباقى .. وده كان اخر مشروع ايمن دخله مع وجدى بعد ما قاله " الله اعلم يا وجدى انا اللى نحس عليك ولا انت اللى نحس عليا بس احنا مش هندخل مشاريع تانى بعد كده سوا " .. بس ده ماكنش اخر مشروع لوجدى
كان فى مشروع اللانجيرى و دود القز و عيش الغراب و الصلصال و كريم الشعر و حاجات تانيه كتير ... بس ده مش وقته
باااااااااااااااااااااااااى
و كنت برضه قلتلكو ان مشروع الارانب ده كان اول و اخر مشروع ليا مع وجدى و ان ايمن ( و شهرته اللمبى ) ماتعلمش و دخل مشروع تانى مع وجدى و انا النهارده هاحكيلكم على المشروع المعجزة ده
وجدى فى يوم من ايام شهر يوليو او اغسطس كده قال ايمن انه تحت بيتهم ترزى كان الترزى بتاع القصر ايام الملك فاروق ( شوف الزمن ) .. و وجدى قال ايمن ان الترزى ده يقدر يعملهم قمصان مدارس بمناسبه دخول المدارس و هتتباع زى البطاطا السخنه ساعه الصبحيه فى ايام الشتا ( زى ما قلنا ان الارانب هتحمل من ابو لمس كده ) ... المهم ايمن ما خدش عظه من اللى حصل قبل كده و دخل معاه و انا اعتذرت عشان كنت مفلس
ايمن ادى لوجدى الفلوس عشان الراجل تحت وجدى و يبتدى المشروع عشان يلحقو يخلصو قبل المدارس ما تدخل عشان يلحقوا يبيعوها و فعلا وجدى ماكدبش خبر و الراجل ابتدى يعمل القمصان و خلصها و ايمن كان عمل اعلان فى الشركه اللى هو شغال فيها و الناس حجزت معاه و استلم القمصان من وجدى و سلمها للناس ( الموضوع زى الفل اهو انما زى اى حاجه لازم يطلع فيها خازوق و الخازوق جاى حالا ) .. واحده عند ايمن كانت حاجزة 3 قمصان و جميع المقاسات S , M , L جاتله تانى يوم بعد ما خدت القمصان و قالتله انهم كلهم مقاس واحد و ان التيكت بس اللى متغير .... ساعتها ايمن راح عند وجدى عشان يبص على " البضاعه " لقى ان كل القمصان مقاس واحد .. الزراير مرة على اليمين و مره على الشمال و شويه ديفوهات جامده .. المهم ايمن قال لوجدى ان ده ماينفعش و وجدى قاله ان الدفعه الجايه من القمصان هتكون احسن .. ايمن قاله يلغى " الاوردر " و انه كده كفايه خساره عليهم و ان وجدى يشوف صرفو كام و يقسم اللى فاضل بالنص
بعديها بكام يوم لقيت ايمن بيكلمنى و يقولى اروحله عند وجدى سالته ليه قالى لما تيجى هتعرف و كان صوته مضايق .. روحت و لقيت ايمن زى مايكون هيموت و ابتديت افهم اللى حصل
وجدى لقى فاضل معاه فلوس و صعب عليه انهم ما يضيعوش الفلوس دى ( قصدى مايدخلوش بيها مشروع يعوضهم عن خسارة مشروع القمصان ) قام اشترى بيهم الحاجات اللى هتعوضهم عن الخساره .. جاب ايه بأه يا ايمن قالى بص بنفسك على الصناديق جوة ( جوة دى عند وجدى جوة فى الاوضه ) فدخلت " جوة " عشان ابص على الصناديق لقيت صندوقين فيهم جلاليب فيزون ( من الجلاليب اللى كانو بيطلعو الفلاحسن لابسينها فى السبعينات اللى كانت بتمط و تنفع اى مقاس ) .. و لقيت شويه قباقيب بلاستيك ( بس سيبكو انتو كانت قباقيب مميزة عشان كان عليها جرس من قدام ) و شويه حاجات مالهاش لازمه من نوع الجلاليب و القباقيب دى .. انا شفت كده و قعدت اضحك و ايمن يبصلى هيموت و وجدى بيقول ايمن " يا بنى الحاجات دى هتتباع هوا " ( كان تقريبا فاكر انه هيعمل فرشه فى العتبه ) ... بعد كام يوم لما وجدى لقى ان الحاجات مش " بتتباع هوا " بدا محاوله التسويق علينا فى الجامعه ( بس اكمننا مش بنلبس من العتبه و بنلبس من سوق غزة ) الحاجات دى مامشيتش معانا فقام وجدى اتنقل للمرحله التانيه و هى مرحله تجنيد المندوبين اللى هيبيعو البضاعه ليه .. قال لواحد صاحبنا فى ساكن فى المرج انه يبيع الجلاليب عنده ( تقريبا عشان عصام صاحينا ساكن فى حته هاى كلاس و الحاجات دى هيعتبروها زى جلابيه بارتى كده ) المهم عصام لما شاف الحاجه قال وجدى " انت فاكرنا عايشين فى حته بيئه اوى كده – قال يعنى ساكن فى مصر الجديده و احنا مش عارفين ) و طبعا ماخدش الحاجه .. وجدى انتقل لاخلا مرحله و هى مرحله التسويق المباشر .. اجر دكان عندهم فى المنطقه و حط البضاعه فيه و جاب انمار اخو ايمن يقف فيه ( و انمار ده اكتر واحد تنك فينا ) .. المهم ان انمار راح يومين و بعدين واحد من اللى فاتحين فى المنطقه اتريق عليه و على البضاعه الجامده بتاعته فقام انمار قفل " المول " و مارجعش تانى ... و دى كانت نهايه مشروع وجدى مع اللمبى عشان ينافسو BTM ...
و اللى انا عرفته بعد كده ان اللى اتباع من الحاجات دى كلها كان قيقاب واحد تمنه 3 جنيه و اللى خدته كانت اخت وجدى و دفعت جنيه مقدم و ضربت على الباقى .. وده كان اخر مشروع ايمن دخله مع وجدى بعد ما قاله " الله اعلم يا وجدى انا اللى نحس عليك ولا انت اللى نحس عليا بس احنا مش هندخل مشاريع تانى بعد كده سوا " .. بس ده ماكنش اخر مشروع لوجدى
كان فى مشروع اللانجيرى و دود القز و عيش الغراب و الصلصال و كريم الشعر و حاجات تانيه كتير ... بس ده مش وقته
باااااااااااااااااااااااااى
هناك 4 تعليقات:
gamda gedan begad teganen begad hayla we hayel 2slobak fe elketaba we 3agebny gedan wagdy ledarget 2any 3awza 2ashofo we 2a3raf kol mashare3o 7a2e2y mestanya 2asma3 ba2at mashare3o elgabara wesalam delwa2ty
Sandy
ربنا يخيليكى على الكلام الحلو اللى انتى قلتيه فى حقى انا بس باحاول و مش شرط اوصل للنجاح بس انا مبسوك ان البوست عاجبك
و بالنسبه لوجدى هو كمان لما يعرف انك نفسك تشوفيه اكيد هيكون نفسه يشوفك هو كمان ... و اكيد هاكمل كلام على مشروعات وجدى لانها مابتخلصش عامله زى الطاقه كده " لا تفنى " بس فى فرق انها ممكن " تستحدث من عدم " .. و شكرا مره تانيه على تعليقك الجميل
علي فكرة
انا بدأت اقراوجيت لحد بوست وقلت لا كده الموضوع ماشي عكس
جبت المدونة من تحت لفوق
بجد ما حسيتش بالوقت
وبصراحة ضحكت كتيييييييييير
اسلوبك جميل جدا
اتمنى ما تتأخرش في البوستات
سوبيا
مره تانيه و تالته و عاشرة اشكرك على مجاملتك
و صدقينى انا باحاول ماتأخرش فى البوستات .. المشكله فى الوقت اللى دايما مش بلاقيه و انه ايام الجامعه محتاجه منى حاجتين
اولا اكون متنكد عشان افتكر الايام دى عشان اخرج من النكد
و ثانيا انى اكون رايق عشان افتكر لانه المشكله انه انا عديت بحاجات كتير أوى و محتاجه منى حبه ترتيب فى الاحداث
و وعد منى مش هاتأخر فى البوستات
مستنى التعليقات الجايه
إرسال تعليق